Удзельнікамі   Тыдня матэматыкі і інфарматыкі былі навучэнцы 5-11 класаў. Пры правядзенні мерапрыемстваў у рамках Тыдня ствараліся ўмовы для праявы і далейшага развіцця творчых і інтэлектуальных здольнасцяў кожнага вучня, падтрымання стану актыўнай зацікаўленасці авалоданнем новымі, больш глыбокімі ведамі.

    Вучні 5 і 6 класаў рашалі жартоўныя задачы для юных матэматыкаў, якія падрыхтавалі вучні 10 класа Тарасік Нікіта і Лугоўскі Павел. Больш правільных адказаў далі Патаповіч Ксенія і Смірноў Кірыл з 5 класа, Ладуцька Максім і Свірыдовіч Максім з 6 класа.

З выпускам займальнай газеты “Гэта цікава” добра справіліся вучні 8 класа Фурс Павел і Калтовіч Анастасія.

     Лектары з 7 класа Зяневіч Ганна і Варкенцін Дар’я для навучэнцаў 5-7 класаў правялі гістарычныя экскурсы на ўроках матэматыкі.

     Каманды вучняў 9-11 класаў спрабавалі паказаць свае веды ў “Інтэлектуальнай гульні для старшакласнікаў”. Перамогу атрымалі інтэлектуалы 11 класа.

     Матэматычныя рэбусы, якія падрыхтавалі вучні 10 класа Высоцкая Карына і Дзябкіна Таццяна, аказаліся цяжкімі для вучняў 7-9 класаў. Прыйшлося на дапамогу падключаць старшакласнікаў.

     Цікава прайшла інтэлектуальная гульня “Пяць зорак” для вучняў 9 класа, якую правёў настаўнік інфарматыкі Грачок В.Г.

Турнір знаўцаў сярод вучняў 7-8 класаў “Разумнікі і разумніцы” – “Інфармацыйны калейдаскоп” (настаўнік Грачок В.Г.) завяршыў прадметны Тыдзень. Перамога была на старане васьмікласнікаў.

     На працягу Тыдня вучні былі вельмі актыўныя. Гэта было бачна падчас правядзення мерапрыемстваў.

     Кіраўнік МА                                І.І.Людчык