Інфармацыя

аб правядзенні мерапрыемстваў да Міжнароднага дня роднай мовы ў ДУА “Сярэдняя школа №3 г. Чэрвеня” ў перыяд з 17.02.2014 па 21.02.2014 г.

 

Беларуская мова ўваходзіць у сям’ю ўсходнеславянскіх моў. Разам з рускай і ўкраінскай яна вылучылася з мовы, агульнай для ўсходніх славян, таму асноўную частку яе слоўнікавага запасу складаюць словы, агульныя для моў гэтых трох народаў. Гэта дазваляе нам, беларусам, разумець рускіх і ўкраінцаў і наадварот.

Кожны чалавек павінен памятаць, што мова – гэта нетолькі сродак зносін. Яна жывая повязь пакаленняў, яна выяўляе думы, адзнака несмяротнасці народа. Чалавек без роднай мовы – як жабрак ля чужога дворышча. Што можа ён прынесці ў агульную скарбніцу моўных каштоўнасцей?

А. Руцкі ў сваім вершы “Родных моў зіхатлівы вянок” пісаў:

Усе мерапрыемствы да Міжнароднага дня роднай мовы былі скіраваны на вырашэнне вышэйагучаных пытанняў.

Крыжаванка “Жыццё і творчасць Аркадзя Куляшова” дазволіла навучэнцам 7 класа паказаць дыяпазон ведаў пра паэта-юбіляра. А выстава “Сучасныя слоўнікі”, прадстаўленая ў кабінеце беларускай мовы і літаратуры, дала магчымасць навучэнцам 5-11 класаў знайсці адказы на лінгвістычныя пытанні.

Турнір перакладчыкаў меў сваіх пераможцаў. Імі сталі навучэнцы 6 класа Зяневіч Ганна і Варкенцін Дар’я.

Літаратурная гасцёўня “На хвалях паэзіі” раскрыла творчы патэнцыял навучэнцаў 5-11 класаў, узбагаціла гукамі і фарбамі паэтычнага слова.

Экскурсія ў краязнаўчы музей “Беларуская хатка” раскрыла гістарычны свет продкаў, адлюстравала побыт нашых продкаў.

Літаратурны дэбют “Спроба ўласнага пяра” і выстава творчых работ навучэнцаў 5-11 класаў пазнаёмілі з літаратурнымі працамі пачынаючых паэтаў-беларусаў.

Мова гучыць у душы музыкай і фарбамі прыгажосці. Яна дапамагае пераадольваць цяжкасці і ўзносіць у блакіт нябёсаў.

“Напісанае застанецца”. Пад такой назвай прайшло выхаваўчае мерапрыемства ў 11 класе. А міні-алімпіяда па беларускай мове выявіла лепшых знаўцаў літаратурнага слова ў 8 класе. Імі сталі Патаповіч Валерый і Лупянкова Таццяна.